ఈ ఏడాది కూడా బాటసింగారం లోనే మామిడి మార్కెట్ !!

మామిడి కొనుగోళ్లు విక్రయాలు ఈ ఏడాది కూడా కొహెడలో కాకుండా బాటసింగారంలోనే నిర్వహించాలని మార్కెటింగ్ శాఖ నిర్ణయించింది. దినికోసం బాటసింగారం మార్కెట్లో అవసరమైన ఏర్పాట్లు చేసేందుకు ప్రణాళిక సిద్ధం చేస్తున్నారు. ప్రస్తుతం ఉన్న బాటసింగారం మార్కెట్ స్థలం సరిపోనందున గత ఏడాది మాదిరిగానే మార్కెట్ పక్కన ఉన్న స్థలాన్ని అద్దెకు తీసుకుని తాత్కలిక షెడ్లు ఏర్పాటు చేయాలని మార్కెటింగ్ అధికారులకు ఆదేశించింది. ఫిబ్రవరి నెలా ఖరులోగా ఏర్పాట్లు పూర్తి చేయాలని ఉన్నతాధికారులు సూచించారు. కానీ రైతులు, వ్యాపారులు, కమిషన్ ఏజెంట్లు మాత్రం సరైన సౌకర్యాలు లేనందున్న ఆసంతృప్తి వ్యక్తం చేస్తున్నారు.